Drejtoria e Policisë së Kryeqytetit ka nisur një fushatë vetëdijësuese me qëllim parandalimin e rasteve të vjedhjeve dhe rritjen e sigurisë në komunitet.

Zyrtarët policorë janë duke shpërndarë fletushka informuese nëpër lagje të ndryshme të Prishtinës, me temën “10 Këshilla të Dobishme – Mbrojtje nga Vjedhjet”, duke ofruar udhëzime praktike për mbrojtjen e shtëpive dhe pronës personale.

Fushata përfshin edhe bashkëbisedime me qytetarët, ku ata informohen për mënyrat më të mira për të parandaluar rastet e vjedhjeve.

Ndër këshillat kryesore të theksuara janë:

Mbajtja e derës së hyrjes gjithmonë të mbyllur

Kujdesi nga persona të panjohur

Mosfshehja e çelësave jashtë shtëpisë

Komunikimi me fqinjët dhe ndihma e ndërsjellë në raste emergjente

Policia e Kosovës fton të gjithë qytetarët që të bashkëpunojnë, të raportojnë çdo rast të dyshimtë dhe të ndjekin këshillat./Arbresh.info